Սպորտ
Գերդրամատիկ վերջաբան Բրայթոն – Մանչեսթեր Յունայթեդ խաղում
Անգլիայի Պրեմիեր–լիգայի 3–րդ տուրի մեկնարկային խաղը հավակնում է ամբողջ առաջնությունում ամենադրամատիկը դառնալուն։
Բրայթոնը ֆանտաստիկ հանդիպում անցկացրեց Մանչեսթեր Յունայթեդի հետ։ Ամբողջ խաղի ընթացքում Գրեմ Պոտերի սաները կարգապահ պրեսինգ էին կիրառում և տարածքային առավելություն ունեին։ Առաջին կեսի միջնամասում Բրայթոնի հերթական գրոհներից մեկն ավարտվեց 11-մետրանոցի նշանակումով։ Ֆրանսիացի Նիլ Մոպեն պանենկա ոճի հարվածով բացեց հաշիվը։
Goal Brighton. Maupay scores a panenka penalty. #BHAMUN
pic.twitter.com/s5SZN5qIW0— FTTV World (@FTTV10) September 26, 2020
Յունայթեդը հերթական անատամ խաղն անցկացրեց։ Սուլշերի սաները չէին կարողանում ո՛չ դիրքային գրոհներ, ո՛չ էլ հակագրոհներ կազմակերպել։ Այս իրավիճակում թիմին կարող էին օգնել ստանդարտ իրավիճակները։ Ընդմիջումից առաջ Հարի Մագուայրը կարողացավ տուգանայինի խաղարկումից հետո խփել պատասխան գոլը։
Maguires goal vs Brighton (1-1) #mufc
— United Goals ⚽️ (@UnitedGoals__) September 26, 2020
Երկրորդ կեսում Մանչեսթեր Յունայթեդն ավելի արագ սկսեց շարժվել և հազվադեպ հակագրոհներից մեկի ժամանակ Մարկուս Ռեշֆորդն երկրորդ գոլը խփեց։
Rashford goal vs Brighton (1-2) #mufc pic.twitter.com/E1zrItsEzY
— United Goals ⚽️ (@UnitedGoals__) September 26, 2020
Չնայած սրան, Բրայթոնը շարունակում էր ցույց տալ իր բացահայտ առավելությունը։ Բելգիացի կիսապաշտպան Լեանդրո Տրոսարը միայն, 4 գոլի հեղինակ կարող էր դառնալ։ Երեք անգամ Յունայթեդին փրկեց դարպասաձողը, մեկ անգամ էլ՝ Դավիդ դե Խեան։
Ընդհանուր առմամբ, Բրայթոնի ֆուտբոլիստների հարվածներից հետո գնդակը դարպասաձողերից հետ մղվեց 5 անգամ։ Opta-ի տվյալներով Պրեմիեր-լիգայի պատմության մեջ նման բան չէր եղել (վիճակագրությունը հավաքվում է 2003/04 մրցաշրջանից)։
3 – Leandro Trossard is the first player to hit the woodwork three times in a Premier League match since Cristiano Ronaldo vs Newcastle United in October 2006. Postman. #BHAMUN pic.twitter.com/RMLTquZDNa
— OptaJoe (@OptaJoe) September 26, 2020
Բրայթոնը խաղի վերջնամասում կարողացավ հավասարեցնել հաշիվը։ Հերթական մտածված գրոհի արդյունքում Սոլոմոն Մարշը (ով նույնպես կարող էր առնվազն երկու գոլ խփել) խփեց երկրորդ պատասխան գոլը և թվում էր՝ Յունայթեդը հերթական միավորները կկորցնի։
March scores a late equalizer. #BHAMUN
pic.twitter.com/krdqYw9iwM— FTTV World (@FTTV10) September 26, 2020
Մրցավարը 5 րոպե էր ավելացրել, Բրայթոնը հավասարեցրեց 95-րդին։ Մանչեսթերին ևս մեկ գրոհի հնարավորություն տվեց։ Անկյունայինից արդյունքում Հարի Մագուայերի գլխով հարվածից հետո նույն Սոլոմոն Մարշը գնդակը հեռացրեց դարպասային գծից։ Մրցավարը սուլեց, հանդիպումը պետք է ավարտվեր, սակայն VAR համակարգով հետևով օգնականները հուշեցին նրան, որ Մագուայերի հարվածից հետո գնդակը դիպել է Նիլ Մոպեի ձեռքին։ Մրցավարը կրկնապատկերը դիտելուց հետո 11-մետրանոց նշանակեց Բրայթոնի դարպասին։ Բրունու Ֆերնանդեշի հարվածի շնորհիվ Յունայթեդը կարողացավ հաղթել այս ծանրագույն խաղում։
Bruno goal vs Brighton (2-3) #mufc pic.twitter.com/Av14qVtW0A
— United Goals ⚽️ (@UnitedGoals__) September 26, 2020
Մանչեսթերն առաջին միավորները վաստակեց մեկնարկած մրցաշրջանում։ Բրայթոնը նույնպես երեք միավոր ունի, սակայն մեկ խաղ ավել է անցկացրել։
