Без рубрики
ՀՀ ֆուտբոլի Պրեմիեր Լիգա. «Արարատը» Գյումրիում ջախջախեց «Շիրակին»
ՀՀ ֆուտբոլի Պրեմիեր Լիգա. «Արարատը» Գյումրիում ջախջախեց «Շիրակին»
VBET Հայաստանի ֆուտբոլի Պրեմիեր Լիգայի 2-րդ տուրից հետաձգված խաղում Գյումրիի «Շիրակն» այսօր սեփական դաշտում ընդունեց Երևանի «Արարատին»:
Հանդիպումն անցավ հյուրերի առավելությամբ, որոնք երեք անպատասխան գնդակ ուղարկեցին տանտերերի դարպասը և խոշոր հաշվով հաղթանակ տարան՝ 3:0: Արարատցիներից աչքի ընկան Աղվան Պապիկյանը, Դավիթ Մանոյանն ու Ուրոշ Նենադովիչը:
Այս հաղթանակից հետո «Արարատը» վաստակեց 6 միավոր և հավասարվեց 5-րդ տեղում գտնվող «Լոռի ՖԱ»-ին, սակայն արարատցիները մեկ խաղ քիչ են անցկացրել: «Շիրակը» կրեց երկրորդ խոշոր հաշվով պարտությունը և վաստակած մեկ միավորով շարունակում է եզրափակել մրցաշարային աղյուսակը:
